Blåbærdraum...

Ungane var på tur og plukka blåbær til meg i dag. Då måtte me sjølvsagt lage noko av dei praktfulle bæra, og vi fann ei ny oppskrift frå siste "Maison mat og vin". Kaka heiter eigentleg "Opp/ned blåbærkake", men vart raskt døypt om til "Blåbærdraum"! Den var særs enkel å lage, og du kan heilt sikkert bruke andre bær enn blåbær. Me såg oss nøydde til å blande med litt rips, då vi ikkje hadde nok blåbær. Held likevel ein knapp på å bruke berre blåbær, då vert kaka søt og god.

Oppskrifta er som følger:

• 225 g mjøl
• 1/2 ts salt
• 1 ts bakepulver
• 100 g kremost
• 100 g smør
• 225 g sukker
• 1 ts kanel
• 2 egg
• 1 dl mjølk
• 500 g blåbær, legg 100 gr til side til pynt
• ca 100 g sukker til å drysse botnen med (må dekke botnen godt)

Rør smør og kremost med sukkeret til det blir kvitt. Tilsett eitt og eitt egg. Bland mjøl, kanel, salt og bakepulver i røra ilag med mjølka - rør godt! Dekk ei springform med bakepapir (er lurt å smøre litt smør på innsida av forma slik at bakepapiret sit godt fast). Dryss den papirkledde botnen med sukker. Legg i bæra og deretter røra. Steik kaka nederst i ovnen  på 200 gr C i 45 minutt. Ta kaka ut av ovnen og avkjøl. Kvelv kaka ut av forma og over på eit kakefat, slik at botnen med bær vender opp. Pynt med friske bær.

Kaka vart servert med "flau krem". Den lagar eg slik: ta ein kartong fløte og bland med 2-3 ss melis og frøa frå ei vaniljestang. Pisk fløten til slik at den tjuknar til ein rennande og litt tjukk saus. Midt i mellom rennande fløte og stivpiska krem!

Trur eg kan love at dette vil smake!