søndag 3. februar 2013

Feed the birds ♥

Når snøen dalar og det kalde vintervèret slår til for fullt, må vi tenkje på småfuglane. Ein kan kjøpe meisebollar eller lage dei sjølv. I går laga eg og jentene litt fuglemat som vi hengte ut i dag. 

Å lage sine eigne meisebollar er eigentleg ganske enkelt. Du treng: 

mjølkekartongar, delt i to (eg brukar berre botnen)
Delfiafett (smelt forsiktig i ei panne)
solsikkefrø
sesamfrø
linfrø
kokos
rosiner

Du kan sjølvsagt bruke det du måtte ha tilgjengeleg av frø. Ha frøblandinga i mjølkekartongane og slå det smelta feittet over. Vi treng også noko som kan brukast til å henge opp meisebollane. Eg brukar greiner som eg knekk av i passe lengd, set dei ned i blandinga og set mjølkekartongane slik at greinene får støtte seg og held seg beine. La blandinga stå i kartongane natta over, knyt i tråd, riv eller skjær opp kartongen og heng dei ut til småfuglane. 

No heng den heimelaga fuglematen i ei gran på tunet og vi sit i glaset og ser etter småfuglane! 


Passar du godt på småfuglane?

2 kommentarer:

  1. Koselig arbeid dette ......fine ble de også. Ja her møtes fuglene også i ett fint lite hus som henger ute.
    Fin søndag til deg

    SvarSlett
  2. Kjekt gjere noko saman med borna!

    Fin ny veke til deg :-)

    SvarSlett

Tusen takk for at du legg att ei lita helsing til meg! Det set eg stor pris på!