...det har visst vorte ein tradisjon....

Når noko stadig gjentek seg vert det som oftast ein tradisjon. Det er helst knytta positive kjensler til situasjonen og alle dei impliserte ser fram mot at denne tradisjonen skal ta til. Slik har det vorte her i huset med søndagsrundstykkebakinga vår. Ungane ser fram til ferske rundstykker på frukostbordet, og då er det berre å følge opp! Slik er det nemleg med tradisjonar...

Eg og Ida stod tidleg opp i dag og sette igong med bakinga. Allereie i god tid før klokka var 7, sat Ida på kjøkkenbenken og var bakstefrøken.

Etter at vi hadde sett deiga til heving, heiv vi oss rundt og sette ei brøddeig òg. Det gjekk ikkje lenge før storebror stod opp, han påstod at han vakna av at Ida song på kjøkkenet - og det kan nok stemme....

I går hadde vi dobbel-feiring av Ida og Johan. Ida hadde bursdag for ei veke sidan, og Johan har om ei veke. Ida fekk maleutstyr i bursdagsgåve med tante Eli, og det måtte sjølvsagt prøvast i dag. Så medan deiga heva, sette dei to kunstnarane  seg ned og mala litt.

 

Det er viktig å ta seg god tid og fundere litt inn i mellom. Det vart visst maling både her og der.....

Det ferdige resultatet!

     

Tek med nokre bileter frå bursdagsfeiringa i går. Det vart mange lys på kaka i går! Dei bles av all kraft for å klare å blåse ut dei 15 lysa! Eino ne biletet vart litt uklart, men blåsinga skjedde i ei viss fart, så det var så vidt fotografen fekk summa seg!

No skal vi kose oss med heimelaga rundstykker til frukost.....  Her er oppskrifta, forresten:

7 dl kveitemjøl

1,5 dl grovkveite

1/2 ts salt

1 pk tørrgjær

3,5 dl temperert vatn

Bland, knød, hev, bak ut, hev igjen og steik på 250 grC i 13-15 minutt.

Denne grunndeiga brukar eg også som pizzadeig, men då med kun kveitemjøl (8,5 dl).

Ha ein fantastisk søndag!