tirsdag 5. februar 2013

Strikkagenser til minstemor!

Farfar si gamle reisekiste er full av tråd. I alle fargar. I alle variantar og kvalitetar. For to veker sidan var eg og minstemor på oppdagingsferd i alt restegarnet og fann litt tråd vi kunne strikke ein genser av.

 Vi fann litt Dalegarn; Dale Babyull, i 100 % merinoull. Til bråt hadde eg nokre restar av Sisu. Frøkena var heilt klar på kva fargar ho ville ha - og slik vart det! Eg er ingen storstrikkar (dvs ikkje særleg dyktig, ikkje særleg rask, ikkje særleg kreativ), så eg fann ut at det måtte verte ein genser i rillestrikk. Ei målsetting var at gensaren skulle verte ferdig fort!


Minstemor er sjuk og heime frå barnehagen i dag. Gleda var stor då ho stod opp i dag tidleg og såg at eg hadde montert ferdig gensaren slik at ho kunne bruke den! Det er godt å kose seg med varme ullkle når ein er forkjøla og frys... 

Lukka er å få sitje på bordet og   d i n g l e   m e d   b e i n a  i ullsokkar som bestemor har strikka! Dei er eigentleg storesyster sine, men no passar dei endeleg til minstmor! 

I dag får verden berre passere. Eg og minstemor sit krølla under eit pledd i sofaen og ser "Verdens beste SFO". Då er alt så bra som det kan vere!



4 kommentarer:

  1. Synest du er kjempeflink! Og jenta er fornøgd! Då er det berre velstand :-)

    SvarSlett
  2. Syns den va kjempefin!

    SvarSlett
  3. Kjempe fin i flotte farger....sokkene like så og en fornøyd
    prinsesse :)
    Fin kveld til deg

    SvarSlett
  4. Fine farger dere fant til genseren! Hun er nydelig i den, og hils bestemor med at jeg har sansen for de lange sokkene også. Du er flink til å strikke! Venter på neste prosjekt....

    Ha en strålende onsdag!

    Klem fra Ingunn

    SvarSlett

Tusen takk for at du legg att ei lita helsing til meg! Det set eg stor pris på!