fredag 25. desember 2009

Kvilerett!

I alle fine middagsselskap er det kvilerettar mellom dei andre rettane. I juletider med mykje mat, feit mat, usunn mat og søte saker, kan ein kanskje trenge ein liten kvilerett av og til. Magen får kvile, kokken får kvile og husfrua får kvile. Det er såre enkelt, og ein kan stort sett bruke det ein har. Her er min enkle variant:

001

* Del ein baguett i to (First Price sin billegvariant er min favoritt)

* Slå over GOD olivenolje og GOD balsamicoeddik (du finn det beste på Olivièr & Co.). Du kan godt blande dette og ha i litt finhakka kvitlauk, som du deretter slår over baguettane.

* Set baguettane i ovnen såpass lenge at dei får ei sprø overflate.

* No er det i grunnen klart til å legge på det du vil av pålegg. Ta gjerne av det du måtte ha i kjøleskapet, og i desse juletider skulle der vere mykje godt å velje i vil eg tru…

* Bruk gjerne tomat i skiver, mozzarella, spekeskinke. Vil du gjere det enklare er det faktisk nok å bruke spekeskinke. Her i huset er Strandaskinke fast inventar i kjøleskapet, og den brukar vi både som pålegg, bacon, i salatar og mykje, mykje anna.

* Til slutt rislar du over GOD olje og så mykje balsamicoeddik som du har lyst på. Pynt med grasløk eller anna grønt og kvileretten er klar til servering!

004

PS! Eg fekk Olivièr & Co. sin balsamicoeddik med fikensmak i julegåve, og den er allereie testa ut! Kjem sikkert attende med spennande herlegheiter med smak av fikenbalsamico….

NYT DEN HERLEGE JULEDAGEN – OG ALL DEN GODE JULEMATEN!

På Sunnmøre skin sola frå blå himmel, og alle hjarter gleder seg!

PS! Eg skulle eigentleg bruke denne juledagen til å sitte i ein stol og strikke, men pådrog meg eit djupt kutt i peikefingerne under frukostkokkeleringa i dag, så då får eg heller blogge litt og kose meg med andre ting!

4 kommentarer:

  1. helt utrulig men jeg klarte faktisk å få lyst på denne maten selv om jeg er stappmettet fra både i går og i dag...hi-hi...:) denne skal jeg "kopiere" en dag!
    er så enig, oljene fra oliviers er rågode, har du en favoritt? jeg liker knallgodt den med sitronekstrakt i...nammmmm på salat m.m..

    så dumt med fingerkutt, det er jo så koselig å sette seg ned med håndarbeid på slike juledager- håper den leger seg fort! jeg har akkurat lært å hekle for annen gang så jeg skal holde kunnskapen ved like og hekle i julen. skal prøve på et teppe hvis tålmodigheten holder, hvis ikke blir det en pute :)

    ønsker deg en fortsatt deilig jul tove og alt godt for det nye året for deg og dine!

    varm juleklem fra vibeke

    SvarSlett
  2. Mmmmm ser godt ut!
    Ha en fortsatt fin jul;)

    SvarSlett
  3. Hilde Bjørndal25/12/09 19:20

    Takk for gode tips. Ser herleg ut.Mmm
    Til i morgon har fingertuppen fått roa seg litt.Spray på flytande plaster. Det gjer susen når strikkekløa melder seg.

    SvarSlett
  4. Ser kjempegodt ut Tove!! - det skal jeg lage en gang!
    Synd med fingeren din! - det er sår i fingre som banker og gjør kjempevondt!

    Ha en fin dag - og fortsatt god jul!
    tone

    SvarSlett

Tusen takk for at du legg att ei lita helsing til meg! Det set eg stor pris på!