Eg vert alltid litt tankefull før eg skal ut og reise. Gleda over å få oppleve noko nytt går hand i hand med blanda kjensler fordi eg må reise i frå alle heime. Det er ikkje det at eg skal vere vekk så lenge. Eller at dei ikkje kjem til å klare seg utan meg. For det gjer dei.
Det er berre det at eg har så mykje å sakne. Lengte etter. Alle dei varme klemmane… Den mjuke, varme 4-åringen som kjem opp i senga til meg om morgonen… Dei late kosestundene i sofaen…
♥ I l o v e m y p e o p l e ♥
Likevel så gler eg meg til å reise på tur. Gler meg til å treffe kjekke folk, lære nye ting og verte rik på opplevingar. Ungane og kjærasten er her når eg kjem heim. Ventar og lengtar. Gler seg. Det er godt for mammahjertet å vite det…♥
♥ m y o n e a n d o n l y ♥
Det er godt å ha nokon å l e n g t e til…
Mamma sin minste skatt vil gjerne vere med på tur. “Viss eg kikar langt ut over havet, ser eg dit du er då, mamma?” Mamma nikkar og viser henne kvar ho må sjå. Og så er alt i orden. Mamma kan berre reise. Ho skal vinke til meg kvar kveld.
“Det beste og skjønneste ved en reise opplever man hjemme: dels før, dels etter.”
Sigmund Graff
Når eg skal ut og reise er det godt å ha eit blogginnlegg med bilete av alle mine aller næraste og kjæraste! Når lengten blir for stor kan eg leite fram bloggen og kike på dei herlege bileta vi tok på Flø sist søndag!
Gode ord om samhald og kjærleik, nydelege bilete frå søndag - herlege Flø:) God tur!
SvarSlettNå smilte jeg:)) Gode og sanne ord for oss mammaer! Så spennende med nye eventyr, tenk at når du kommer hjem til dine kjære er du en opplevelse rikere som du kan dele med dei:))
SvarSlettOg kanskje vi også får se spennende bilder:))
Kos deg på tur, nyt og opplev:))