Småtingvinnaren er........

Hugsar du innlegget mitt om dei små gledene i kvardagen? Eg utfordra blogglesarane til å legge att ein kommentar og fortelje om småting som gjer kvardagen betre! Det gleder meg stort å sjå at det er dei enkle gledene som vert sett pris på. Ta gjerne turen innom innlegget mitt og sjå alle dei flotte kommentarane - eg blir så glad av å sjå at folk har så mange kvardagsgleder!

Men så over til vinnaren! Det er ikkje tvil om at alle kandidatane er verdige vinnarar. Men det er no eingong slik at berre ein kan vinne. Eg og Johan stod for den høgtidlege seremonien etter at alle leksene var gjort i dag. Vi skreiv alle namna på ein lapp, og så plukka Johan ut ein vinnarlapp. Han hadde sjølvsagt håp om at det var tanta som skulle vinne, med det var det altså ikkje...

Det er ei stor glede for meg å presentere vinnaren av "Småting"-utfordringa mi!

Fantastisk Astrid med bloggen Frå eit A4-liv er så absolutt ein verdig vinnar av utfordringa mi! Og grunnane til det er mange..... Ho er omsorgsfull og kjærleg mamma til 4+2 born, eit skuleeksempel på ei hustru, samstundes som ho sjonglerer studier og jobb. Denne flotte sjukepleiardama har nettopp teke til på helsesysterutdanning, og kjenner vi henne rett vert no nok å sjå i korridorane på sjukeheimen òg! Astrid veit kva som er viktig i livet og formidlar dese verdiane til ungane sine på ein suveren måte. Så kjære Astrid:

Du er ein kvardagshelt utanom det vanlege! Eg beundrar pågangsmotet ditt og engasjementet ditt! Du gir av deg sjølv og er ei vitamin-innsprøyting for alle som kjenner deg! Du utstrålar ei indre ro og ein varme som mange kan misunne deg.

Om ikkje lenge dukkar det opp ei lita overrasking til deg! Enten lyt posten ta seg av leveransen, eller så lyt eg ha meg ei tur fram i den nydlege Bjørdalen og overlevere det sjølv!

Gratulerer, kjære Astrid!

Diktet "Å vere i livet" av Halldis Moren Vesaas, er eit av mine favorttdikt. I dag vil eg dele det med alle blogglesarane og dedikere det til deg, Astrid. Det er nesten så eg trur det er skrive til deg!

Dette: Å vere i livet,
open for alt ikring,
bunden med sterke røter
til menneske og til ting,
gi både hjarte og hender
i omsorg som aldri svik,
var det som gav meining til ferda di
og lét deg få kjenne deg rik.

Og den som er rik vil ha seg
eit hus som er såleis bygt
at alle som høyrer til huset
kjenner det godt og trygt,
og såleis at framande gjerne
kjem innom dørene der
og aukar den rikdom som finst der før
med alt det dei sjølve er.

Fattig var du om aldri
i livet du kjenne fekk
at mellom deg og dei andre
levande straumar gjekk
av tillit og varme som styrkte
kvart band som til livet deg batt,
og lar deg få kjenne, når alt blir gjort opp,
at meir enn du gav, fekk du att.

Til slutt vil eg få takke alle dei flotte kvardagsmenneska som deltok på utfordringa mi!