Sur… ;)

Det er få ingrediensar eg er så glad i som sitron! Anten eg lagar salat, kylling, fisk, dessertar, kald drikke eller heimelaga peeling.

Visste du at om du blandar sukker og sitronsaft til ei litt tjukk “røre”, så har du verdens beste peeling til andletet? Dersom ein har sensitiv hud bør ein styre unna denne, då den kan vere litt for tøff for huda.

Du kan også presse safta frå ein sitron og blande med ein kvart kopp olivenolje. Smør dette på huda og slapp av med ei god bok før du vaskar det av! Dette verkar både rensande og mjukgjerande på huda! Og så luktar det så godt…

Du visste vel at sitron er full av C-vitamin og at antioksidantane styrkjer collagenet i huda slik at den ser fast og sterk ut? Og at om du puttar ei sitronskive i lunka eller kaldt vatn, så verkar det slimløysande?

Kjøp sitron, legg dei i kjøleskapet og la den fantastiske lukta og den herlege smaken fylle helga di! Godt for kropp og sjel! Putt det i maten, smør det på huda eller frisk opp vatnet du skal drikke!

Ynskjer deg ei “sur og sunn” helg!!!

PS! Fleire “sure” råd finn du her.