Å vakne til blå himmel er alltid godt. Ungane var blide og glade og ville raskt ut. Særleg minstesnuppa. Ho er ikkje så glad i snø og dårleg vèr. Men når sola skin går ho ut så fort ho kan. Sjølv om det er snø. Sjølv om det er kaldt.
Aller helst skulle ho ha sprunge rundt berrføtt i sommarkjole. Ho likar ikkje alle desse laga med vinterkle. Men etter å ha tenkt seg om er det OK likevel!
I dag var det leikarhytta som skulle få smake på vårreingjeringa. Eg fekk ikkje lov å kome inn før ho var ferdig. Kanskje eg måtte vente heilt til neste år, sa ho…
Lenger enn dette kom eg altså ikkje! Mødre hadde ikkje adgang før til neste år!
Ho har i alle fall orden på “gangen” sin! Støvlane stod så fint plassert ved døra. Ho hadde endåtil lagt granbar under; “…for sånn gjorde vi det då det var jul, og det var så koseleg…”.
Så medan ho puslar på i sin vesle heim, kosar eg meg med husmorsyslar i min heim! Lukka på jord er å få henge ut alle dyner og få lufta heile huset! Og til kvelden skal alle få krype ned i reine sengkle som har fått tørka ute i februarsol...♥
♥♥♥
Ynskjer alle ein strålande laurdag!
å -- det va husmorLYKKE ;)
SvarSletther og nyter vi flotte dagen - men litt for kaldt til å henge ut klær - enda
Nyt helga videre - smil fra monika
Så nydeleg!
SvarSlettHengde ut kle på torsdag og dei vart faktisk tørre..
nyt ei vakker helg med SOL!