"Man tager hva man haver"-middag!

Fekk så lyst å dele eit fantastisk enkelt og supergodt middagstips! Det er ingenting som er kjekkare enn ein middag du kan lage i ein fei , med dei ingrediensane du måtte ha for handa! Eg skal ikkje skryte på meg å vere arkitekten bak dette påfunnet, det er søskenbarnet mitt Else Marie, som har introdusert meg til denne retten. Ho serverte dette då vi var på klubb sist, og eg kan love deg at det var populær klubbmat!

Det du treng er stort sett ingrediensar du stort sett alltid har i kjøleskap og frysar. Hovudingrediensane er poteter, gulrot, løk, kjøtdeig og buljong. I tillegg kan du sjølvsagt putte det du ellers måtte like opp i gryta.

 

Skjær poteter og gulrot i terningar. Samstundes set du på ei panne med vatn og har i mørk buljong (til 2-3 liter vatn treng du 6-9 ts buljong). Ha grønsaker og poteter i gryta når vatnet har kokt opp, skru godt ned slik at det ikkje fosskokar. La det gjerne småputre på svak varme.

 

Så finhakkar du løken og steikjer den i litt smør i steikepanna til den blir mjuk, brun og fin! Tøm alt i steikepanna rett i gryta ilag med grønsakene.

Brun kjøtdeig i litt smør. Krydre kjøtdeigen med pepar og ørlite salt.  Tøm alt saman opp i gryta ilag med resten. La suppa småkoke til grønsakene og potetene er ferdigkokte - det går fortare enn du trur! Prøvesmak før du serverer, det kan hende du må krydre litt til.

Denne herligheita serverer du med flatbrød eller kvitløksbrød - alt etter kva humør du er i!

VELBEKOMME!

(Og til dei som måtte lure; NEIDA, eg har ikkje sitron i denne retten!!! Hi, hi...)