Detaljar frå badet!

Eit deilig baderom skal ynskje deg varmt velkomen om morgonane, og berolige deg før du tek kveld.

Eg elskar gode såper! Dette såpestykket er berre mitt, og luktar mandarin. Det inneheld olivenolje og er svært god å vaske seg med. Vanlegvis vert eg tørr på hendene av såpe, men den er både pleiande og velluktande!

Eit lite hjørne på benken!

 

Det er snart ni år sidan vi gifta oss,og dette biletet er eit av favorittane mine! Vi tok mange bileter med fotograf, men dei bileta mi gode barndomsvenninne Mette tok om kvelden, er eit studie i forelska blikk og harmoni! Det var tatt i sjøkanten medan sola gjekk ned i havet. Vi hadde hatt ein fantastisk dag, og hadde ikkje auge for andre enn kvarandre. Mette fekk ta så mange bileter ho berre ville, vi ensa henne nesten ikkje! Dette biletet har vi alltid hatt på badet (!), og det gjer godt å kike på det kvar dag!

Ikkje rart at dette hjørnet skaper stemning på badet!

Du lurer kanskje på kva dette er??? Då vi tok over huset var vi i kontakt med ein arkitekt som sa at vi kunne pusse opp og modernisere så mykje vi berre ville, men at vi for all del ikkje måtte fjerne dei gamle dørstokkane! Dette er dørstokken inn til badet vårt, og det sit mykje historie i treverket. Endåtil veslesnuppa har sett sine evige tusjmerker etter seg! I gamle dagar var det kjøken der vi no har bad, så mang ein sliten arbeidskar har trakka over dørstokken i håp om noko godt til middag. No er det nakne barneføter som trakkar over den same stokken, og eg kjenner eg er glad for at vi lytta til rådet frå arkitetkten...

 

Handdukar i alle fargar og variantar! Her må det vere litt for ein kvar smak; noko rosa, noko blått og turkis og noko kvitt.

Ein liten pose med favorittsmykka i!

Ei lita kort til alle handdukane som skal til vask!

 

Eg var så heldig å finne denne korga på ein av interiørbutikkane i bygda. Den stod heilt åleine for seg sjølv, utan prislapp!  Korga ville absolutt bli med meg heim, og eg fekk den for ein latterleg billeg sum! Heldig...

Etter eit besøk på badet, er det deilig å kunne smøre seg med ein god krem. Eg likar både lukta, konsistensen og innpakninga!

Småsnuppene sin badefrosk får æra av å takke for besøket!

Ha det på badet!