Sein middag, peiskos og raudt i glaset...

Det er så godt å ta helg og vite at det er ei heil veke til eg skal på jobb igjen! I dag har vi hatt storopprydding ute - må tru ungane synest det var stas med stort bål (ta det heilt med ro, bålet var klarert med brannsjefen...)! Ungane har i tillegg vore på fjelltur ilag med bestemor og bestefar, og kosa seg ute i den nydelige haustsola. Det gjer godt med ein roleg kveld etter ein aktiv dag i mykje frisk luft. I kveld har eg laga dei sjølvkomponerte kjøttbollane mine, som alltid vert vellukka. Dersom du har lyst å lage dei, finn du oppskrifta her!

Tenk at dettte.........

...blir så godt som dette!

Tilbehøret er det heller ingenting å klage på....!

Etter tre godnattsongar og masse klemmar ligg ungane trygt i sengene sine...

...medan mamma og pappa slappar av og nyt haustens fyrste flammar i peisen.

Det er stearinlys i kvar ei krå, knitring frå peisen og stille i stova. Det smakar godt med vin etter eit mektig måltid. Og så smakar vinen sjølvsagt best når eg drikke den av favorittstaupa mine!

Bestemor har plukka nydlege ospelauv til oss, og dei prydar stova vår med sine lune og varme fargar.

Med desse bileta ynskjer eg dykk alle ein strålande laurdagskveld!