Bøker til inspirasjon, nytte og hygge - EI UTFORDRING!

Det er så kjekt å bruke haustkveldane til å lese bøker. Eg les mykje skjønnlitterære bøker, men blar like flittig gjennom bøker som gir meg inspirasjon, som er til nytte eller rett og slett berre for kosen si skuld. Bokhyllene mine er fulle av sistnevnte, og i dag vil eg vise fram nokre av dei!

 

Denne boka har dei mest fantastiske idèane for ungane sitt ve og vel utandørs, i tillegg til at der er masse tips til korleis ein kan pynte til høgtider og særskile anledningar (bursdagar etc.)

Det er viktig å lage litt fest i kvardagen - og då er denne boka midt i blinken! Den gir oss gode grunnar til å duke til fest utan at det er noko særskilt som må feirast; som t.d. haustfest!

Denne boka kjøpte eg mest fordi dei to damene hadde interiørprogram på TV den tida, og fordi eg vart så inspirert av biblioteket dei hadde pussa opp.

Dette er vel kanskje den mest utdaterte boka i samlinga mi, men eg får meir og meir lyst til å ta meg ein blund på dette soverommet.... Dei duse og behaglege blåtonane appellerer til meg.

Sven Nordin si bok er uhøgtidleg og hjarteleg. Her er det opne dører, raust vertskap og praten rundt matbordet som er i fokus. Den gir mange "Åh, det har eg ikkje tenkt på før"-opplevingar!

Anglofil som eg er, står sjølvsagt denne praktboka i hylla mi. Her er det berre å setje seg ned og drøyme seg til den englandske landsbygda, der livet går i sakte tempo og den engelske gjestfriheita ynskjer oss velkomne.

Denne boka har etterkvart vorte ein gjengangar på bloggen min, sjølv om vi berre er midt i oktober... Her er det berre å gi seg hen og nyte alt det vakre. Eg har i allefall vorte inspirert til å lage julebok i år!

Lexington-boka mi er det heller ingen veg utanom når eg listar opp favorittane mine! Denne boka er eit "må ha" for alle som likar New England-stilen og drøymer om livet på austkysten av USA!

Denne boka er eg veldig glad i. Trude Teige si bok er på nynorsk og handlar om "skikkeleg mat". I tillegg er den krydra med matminn frå meir eller mindre kjende sunnmøringar, dikt og vakre bilete. På bilete over ser vi Audhild Gregoriusdotter Rotevatn som er på fisketur md bestefar sin. Sjå flotte fjellet som kneiser i bakgrunnen! Det er sjølvsagt Liadalsnipa mi og er å finne i heimbygda mi!

Trude Teige slår eit slag for steikt sei, medan Are Kalvø tviheld på Grandiosaen! Dette er kanskje ei av dei mest brukte matbøkene mine, og det er nok fordi både mann og barn er gladast i god, gamaldags mat...

  Sjølvaste dronninga på matfronten  må vere med! Denne boka er er fryd å både lese og bruke!  Potetene på biletet ovanfor har eg laga mange gongar. Dei skal eigentleg steikast i andefett, men det er grenser for kva ein har i kjøleskapet!!! Har funne ut at det går like fint med olje og smør. Oppskrifta får du ein annan gong!

No er bokreisa mi over for denne gong, men sidan eg er av den nysgjerrige typen lagar eg like godt ei utfordring!  Ufordringa går til desse flotte damene:

* Drømmen om en eplehage

*Miamor

* The World of Sandnes

* Heim

* Me & Molly

* Bestemors Hobbyblogg

* Anna Lisas Hjerteblogg

* Kvardagsliv i Storemyra

Utfordringa er som følger:

Kva bøker er til inspirasjon, nytte og hygge for deg?

Vonar alle tek utfordringa på strak arm, og så er det sjølvsagt lov å sende den vidare i Blogglandia!

PS! Det er SJØLVSAGT høve for kven som helst til å ta imot utfordringa!