Når draumar skal realiserast...

Etter å ha budd inn huset i snart åtte år, er det på tide med påbygget vi alltid har drøymt om. Vi er no endeleg komne dit at teikningane til påbygget vårt er ferdige og det heile er klart for realisering. Det har vore mange runder med endringar, tilføyingar og tilpassingar. Er framleis noko lite som skal justerast med omsyn til vindauge, men vi er så godt som i boks. No er det berre å la tankane fare og drøyme om korleis det skal innreiast, møblerast og organiserast. Sidan eg bur i eit møbelfylke, er det heilt naturleg med kortreist møbelhandel. Trur nok det vert Slettvoll som får æra av å fylle roma våre denne gong. Det skal vere lyst og luftig, og litt i tråd med dei vakre bileta under (begge er henta frå Slettvoll si heimeside).

 

Eg er heldig og får mange og store glasflater i påbygget, så allromet skal verte ein oase for kos og hygge. Og så må eg prøve å snike inn litt New England.... Gler meg til å ta fatt på prosjektet!