fredag 2. mai 2008

...om å pakke inn spaghetti

Dette handlar ikkje om å pakke inn spaghetti som gåve. Dette er ei søt, lita oppskrift som gjer spaghettien til ei fryd og ete, og som slettes ikkje treng anna tilbehør!





Paprika, kvitløk, basilikum, sitron, søte tomatar

Ta alle ingrediensane på bileta oppom, og hakk dei opp i små, små bitar. Sitronen skal du ikkje hakke, men vaske godt og rive av litt sitronskal. Bruk eit zest-jarn eller ei fin rasp. PS! Fjern innmaten i tomatane, du treng berre tomatkjøtet. Bland desse ingrediensane i ei skål. Tilsett litt salt, grovkverna pepar og ørlite sukker. Bland alt godt.



extra virgin olivenolje, balsamico-eddik, saft frå sitron

Bruk ca to delar olje og 1/2-1 del balsamico (kjem an på kor godt du likar det) og safta frå minimum ein halv sitron. Rør dette godt saman og slå det over dei andre ingrediensane. Bland godt. Slå dette over nykokt pasta og bland godt! Det er her omgrepet "å pakke inn" kjem til sin rett! Pynt gjerne med basilikum, evt. litt riven ost og små cherrytomatar delt i to (det er mykje fantastisk god tomat å få kjøpt, prøv gjerne ulike sortar). For å toppe det heile raspar eg alltid over litt sitronskal. Mmmmmmm...... Du kan sjølvsagt tilsette steikt kyllingbryst eller litt god skinke - men for all del: styr unna kjøtdeig!

1 kommentar:

  1. Elen Silseth Tømmerbakk4/6/08 21:22

    Hei Tove!
    Jeg synes jeg må si ifra at jeg er en av de som følger med på bloggen din. Du skriver så koselig om tema som også jeg er opptatt av.

    Nå har jeg prøvd pastaen din, og det var veldig godt!

    Hilsen Elen

    SvarSlett

Tusen takk for at du legg att ei lita helsing til meg! Det set eg stor pris på!