Middag til kvelds!

Av og til må vi lage middag til kvelds. Det må vere enkelt, vere raskt å tilberede, sunt og mettande.

Aller fyrst treng du løk, så mykje løk som du er komfortabel med. Eg har blanda kvitløk og vanleg løk. Surr det gyllent i ei steikepanne.

Hamsun hadde heilt rett då han sa at ein ikkje er matlaus om ein har poteter. Difor skivar eg opp litt poteter og blandar inn i lag med løken. La det heile surre forsiktig til blandinga blir gyllen.

Ha blandinga i ei kakeform. Det kan vere lurt å legge bakepapir i forma, då det ikkje er sikker at den er heilt tett. Slå over ei blanding av matfløte og egg, salt og pepar. Hakk opp oliven og strø over før du er raus med raspa ost. Bruk den osten du har!

Herligheita må steikje på 200 grader ca 30 minutt. Dersom potetskivene dine er tjukke, må den nok stå litt lenger i ovnen. Medan maten steikjer i ovnen kan du henge opp kle, hjelpe ungane med lekser, støvsuge eller berre slappe av i sofaen med dagens avis!

Som tilbehør kan du ta du ta det du har i kjøleskapet eller det du likar aller best. Her i huset vart det råkostsalat, tomat og spekeskinke. God olivenolje og balsamicoeddik toppa det heile.

Vips, så har du laga spansk tortilla! Så enkelt, så godt og så sunt! Oppskrifta finn du her!

Fristar det???