onsdag 7. november 2012

Vidunderleg vakkert...

Eg blir aldri lei av Sæbø, den vidunderleg vakre bygda i Hjørundfjorden. Sjølv om eg bur nært Sæbø, så får eg umiddelbar feriekjensle når eg kjem dit. Særleg på ein varm sommardag når fjorden blenkjer og dei majestetiske fjella strekkjer seg uendeleg mot blå himmel. Men det er like vakkert der ein iskald vintersdag med snøbyger og piskande vind, eller når frosten har lagt seg og alt ser ut til å kvile. Det er berre det at ingenting kviler på Sæbø. Der er alltid ein puls. Alltid ein nerve. Alltid noko som fortel deg at folk er stolte av å bu her.

På seinsommaren i år gjekk hurtigruta inn Hjørundfjorden - verdens vakraste fjord. Det var eit prøveprosjekt for å sjå om det kunne vere aktuelt for hurtigruta å legge om ruta si. Vi som bur i kommunen visste sjølvsagt at Hjørundfjorden ville innfri forventningane. Ein er ikkje upåvirka etter eit møte med Hjørundfjorden. I går kom meldinga om at hurtigruta, for fyrste gong på 20 år, legg om ruta si og gjer Hjørundfjorden til ein fast post på programmet sitt (les meir om det her).

I dag er det snø og kaldt på Sunnmøre og då gjer det godt å kike på nokre vakre bilete frå Sæbø i Hjørundfjorden ein vakker augustsøndag i år.




 Tenk å sitje i fjøresteinane ein varm sommarkveld og nyte utsikta av majestetiske fjell...




n  o  s  t  a  l  g  i

Dei brukte det dei hadde då dei bygde naust. Dette må vere plank frå ein gammal båt. 


k  v  a  r  d  a  g  s  k  u  n  s  t




Det er ingen tvil om at Hjørundfjorden er blant dei vakraste fjordane i verda. Det som kanskje gjer at Hjørundfjorden trekk det lengste strået, er at det er liv her. Det bur folk inn i denne fjordarma. Dei har sitt daglege virke her. Driv næring. Dei forpaktar jorda. Er bønder. Kulturbærarar. Gard og grunn vert ikkje halde flidd fordi det skal ta seg fint ut for turistar, men fordi det bur folk der.

Det er så vidunderleg vakkert i Hjørundfjorden og no er eg glad for at endå fleire skal få sjå alt fjorden har å by på.


6 kommentarer:

  1. Flott reklame for ein flott stad :-)

    SvarSlett
  2. Å,sukk..sååå nydelig.. dette var utrolig vakre bilder..stemningsfullt - forstår godt at dette er et yndlingssted å være!:)Klem fra Else Britt:):)

    SvarSlett
  3. Nydelige bilder! Ser så utrolig flott ut der! Kjekt med hurtigruta, leste det akkurat i går. Vi som har den hver dag, vet hva det vil si å få besøk av den :)

    Ha en flott onsdag!

    SvarSlett
  4. Flott reklame fra en fantastisk fin fjord og område. Jeg har vært der på MCturer flere ganger og jeg går aldri lei. Litt dumt med MCturer... en kommer aldri rundt vinterstid. Men jeg satser på at du sender en smakebit i form av bilder i ny og ne. :)

    SvarSlett
  5. Nydelege bilete, og vakkert skrive om ein plass dei fleste berre har sett på som ein fejestad, på veg til noko anna. Takk for at du viser oss Sæbø!

    SvarSlett
  6. Nyter bildene dine eg og lengter hjem.
    Klem Synnöve.

    SvarSlett

Tusen takk for at du legg att ei lita helsing til meg! Det set eg stor pris på!