søndag 25. november 2012

Ein liten smakebit...

At julekjensla kjem snikande for kvar dag som går, er ikkje til å unngå. Og eg let meg rive med. I alle fall litt. Smått og forsiktig. Eg er eigentleg veldig "julete" av meg, men har alltid meint at ein ikkje skal ordne og styre så mykje før ein har runda 1. søndag i advent. 


Eg er så smerteleg klar over at tida fram til jul går så frykteleg fort. Og eg veit at det er den mest travle tida i året, både på jobb og heime. Difor har eg i år bestemt meg for å pynte og ordne litt gradvis - for å kome i stemning, for å kunne nyte den gode tida lengst mogleg og kanskje for å unngå kjensla av stress. 


Det er godt å kome heim og slappe av når det er litt vinterstemning i heimen. Ein tek ikkje skade av å kose seg litt ekstra i mørketida!


Og apropos mørketid..... Eg fall for fristelsen og kjøpte meg endå ei julestjerne i år. Det er ikkje det at eg ikkje har frå før, men eg trengte faktisk litt fleire. Vi har nemleg ein nyrestaurert fjøs og låve  som skal pyntast litt ekstra til jul, så mange av julestjernene vi har hatt før skal hengast opp der. 


Du må for all del ikkje tru at huset mitt er fullt av juleting og pynt. Så langt er det berre ei stjerne i glaset og noko vinterpynt på eit fat på spisebordet. Eg likar godt å pynte med konglar. Vi samla nokre i haust og dei har vi litt her og der i huset.


Noko av den finaste julepynten finn vi utandørs. Vi er heldige som har skogen og fjøra i nærleiken, for der finn eg masse inspirasjon til julepynt. Eg er så glad i greiner; både dei nakne og dei vintergrøne. Og både konglar og stein er fine naturelement som er med å lage både vinterstemning og julestemning.

YNSKJER DEG EIN FIN SØNDAG!





4 kommentarer:

  1. Nydelig vinter stemning hjå deg!
    Nyt den fine tida og ikkje få panikk ;-)

    -fin søndag-

    SvarSlett
  2. Jeg har snikpyntet i en liten evighet, sett julefilmer og spilt julemusikk:) Jeg nyter denne varme kjærlige førjulstiden og den betyr så utrolig mye for meg:)

    Konglene dine var nydelige, tok med 6 kg hjem fra frankrike for noen år siden ( slike store) og det er så utrolig dekorativt:))

    Fineste tanker til deg i denne førjulstiden:))

    SvarSlett
  3. Hei
    Enig med deg, finaste pynten finn ein ute i naturen
    Og så så billig som det er, og så gøy å finne
    Ha en fin kveld ;-)

    SvarSlett
  4. Så flott dekorasjon med kongler og reinsdyr. Spraymaling på kongler var lurt, det vil jeg også prøve! Har du kjøpt det i maleforretning?

    Jeg er også veldig glad i jula, men prøver også å begrense pyntinga til i slutten av november, hvertfall ;) nå kjenner jeg at jeg har lyst til å begynne, det er jo snart 1.desember!

    Fin onsdag til deg, er så glad i bloggen din, den er så inspirerende!

    SvarSlett

Tusen takk for at du legg att ei lita helsing til meg! Det set eg stor pris på!