lørdag 15. oktober 2011

…om å danse smilet fram…

På lette bein trippar du så fint over dansegolvet. Kikar deg litt rundt og ser om der er andre som skal danse. Det er ikkje det. Du har golvet heilt for deg sjølv.

IMG_2790 copy

Musikken startar og ingenting kan halde deg tilbake. Du tek fleire runder på dansegolvet. Framleis heilt åleine. Av og til må pappa danse litt med deg. “Pappa er den beste i verden”, ropar du medan han snurrar deg rundt i lufta!

IMG_2805 copy

Det er dette alt dreiar seg om: DANS. I kvart vakne sekund av dagen dansar du. Leitar fram dei finaste kjolane og glittersko, og så dansar du. Tenk å ha eit heilt dansegolv for seg sjølv!

IMG_2834 copy

Det lakkar og lir mot kveld, men du ser ikkje ut til å merke det. Brått er du ikkje åleine lenger. No er det dei vaksne sin tur å danse. Bandet startar med ein roleg melodi og du set deg til rette midt på dansegolvet. Alle dei vaksne føtene dansar kring deg, medan du beundrar dei som syng på scena.

IMG_2847 copy

Pappa løftar deg forsiktig opp. Dansar nokre steg med deg, men no er du trøytt. Du held han så godt kring halsen, snusar inn pappalukta og kviler hovudet på skuldra hans.

“Verdens beste pappa”, seier du.

…og så sovnar du…

PS! Desse bileta var tekne då vi var på Hotel Alexandra i Loen. Vesle frøken snupp dnasa heile helga til ende… Hennar største draum er å få byrje på ballett. Men det er enno to år til ho er stor nok til det. Enn så lenge lyt stovegolvet vere godt nok og pappa må duge som dansepartnar ♥

dance-like-no-one-is-watching

5 kommentarer:

  1. Ho må definitivt inni ballettskulen!Dans e livet,
    søte Sina <3 -Eva-

    SvarSlett
  2. Ei som virkelig har kost seg helgen igjennom. Kunne sikkert ikke fått det bedre :) Og Loen er jo en fantastisk plass, for både store å små!

    SvarSlett
  3. Å så skjønt innlegg dette var :)

    Las også det om vesle Andreas, så useieleg trist å oppleve slike tunge tak i livet...
    Sterkt av deg å dele...

    Klem frå Marie

    SvarSlett
  4. Nydeleg lita ballerina ♥

    SvarSlett
  5. Så nydelig bildeserie - spesielt det siste bildet! :)

    SvarSlett

Tusen takk for at du legg att ei lita helsing til meg! Det set eg stor pris på!