fredag 27. mai 2011

Fredagskveld i Villa Utsikten ♥

Eg har bestemt meg for å jage forkjølinga ut av kroppen, så då blir det ein roleg fredagskveld heime i Villa Utsikten.

IMG_9048

Fredag er definitivt beste dagen i veka. Helga verkar uendeleg lang, det er god mat på bordet og vi kosar oss og ser på TV. Men før vi gjekk over til total kvild, måtte vi sjølvsagt vere ute litt! Eldsteguten skulle på fotballtrening, så eg tok med meg jentene og eit tantegull og rusla tur i “hemmelegskogen”, ikkje så langt frå kunstgrasbana.

IMG_9050

Vi kasta stein i elva og laga teikningar i sanden. Vi leika sisten mellom trea, fann kvite steinar og plukka blomar. Og så stod vi heilt stille og lukta. Det lukta skog. Våt skog. Og sommar… Sjølv om det var kaldt og vått, lukta det sommar.

IMG_9068

Turen vart sjølvsagt avslutta med å plukke blomar – og det blir mykje blomar når 8 små barnehender set i gong og plukkar! Nokre vart gitt vekk og resten sett i vasar heime hos oss.

IMG_9076

Desse lilla, små “juletrea” passa så godt i dei nye Covent Garden-lyktene eg kjøpte (kan nokon fortelje meg kva blomane heiter, kanskje???). Det er ikkje noko som er kjekkare enn å fylle stova med heimeplukka blomar!

IMG_9092

No brenn det stearinlys i heile stova, det er fyr i omnen, det luktar sommar av frodig syrin og ho mor sjølv har sett seg til rette med litt tidsfordriv i sofakroken. Må vel snart lage meg ein kopp varm te slik at eg er i fin form i morgon, for då skal eg nemleg ut og treffe gamle studievener frå lærarskulen!

God fredagskveld til alle ♥

2 kommentarer:

  1. Hei! Jonsokkoll kalla me dei iallefall.
    God helg og god bedring!

    Helsing Alvhild S.

    SvarSlett
  2. Jonsokkoll, ja. I hagen har eg ein variant (purpur?) med mørkeraude blad, i naturen er blada grøne.

    God helg!

    SvarSlett

Tusen takk for at du legg att ei lita helsing til meg! Det set eg stor pris på!