Eg og minstesnuppa var ute og pynta litt til påske. Trollhassel på trappa fekk lilla påskeegg og påskeliljer vart plasserte litt her og der.
All denne pyntinga vart litt kjedeleg for ei aktiv trulte på 3 1/2 år. Ho hadde det mykje meir moro med nyebøtta si og ei spade. Eg hadde kledd henne godt, for det var litt kjøleg i den gryande vårkvelden.
Medan eg var mest oppteken av pynting, trudde tydelegvis frøken Snupp at ho kunne gjere akkurat som ho ville… Midt i fotoseansen med påskeliljene mine, såg eg brått noko lite og lettkledd som tusla på vegen nedom huset. Alle tjukkekleda var brått fordufta og ei sommarkledd, lita frøken trippa rundt i “jålestøvlettane” sine og lata som om det var sommar…
Ho er kjappare enn Houdini, la det vere sagt, for det tok henne ikkje lange stunda å rive av seg kleda! Alle ytterkle og alle laga med ull låg så elegant i ein haug ved kjellardøra.
Eg visste ikkje om eg skulle le eller gråte. Det var så absolutt kaldt, til trass for at sola kika fram. Ho såg ikkje ut til å bry seg om kulden i det heile! Ho trippa rundt og rundt på vegen (eller gjørma, for å vere ærleg….) og smilte frå øyre til øyre. Ho visste nok at ho hadde gjort noko uloveleg, så då var “gjere mamma blid igjen”-trikset ikkje langt unna ♥...
Kven kan motstå noko slikt??? Nyplukka blomer i ei skitten barnehand er noko av det vakraste eg veit! Med sjarmøretappen vel unnagjort, var det om å gjere å få isbiten i hus att; isande kald, men strålande blid!!!
♥♥♥
Heldigvis går vi varmare tider i møte!!!
Atter ett kjempekosligt innlegg fra deg. Det føles nesten som eg er der når eg les det du skriver.
SvarSlettHåper nå ikkje snuppa blir forkjøla.
Klems fra en forkjøla Synnøve.
Takk for enda en herlig historie fra deg.
SvarSlettOm dagen ellers skulle finne på å være grå og trist, så smiler eller ler jeg alltid når jeg leser bloggen din
Hilsen
tanketroll
Denne kommentaren har blitt fjernet av forfatteren.
SvarSlettVakre vårbilder! Endelig nærmer det seg.
SvarSlettPs: bli med på Øy-søker-familie-lotteri hos oss!