søndag 5. september 2010

Skjønne jentene mine…

Dei skulle eigentleg ha lagt seg. Men septemberkvelden var så fin og dagen hadde vore så god… Dei lovte på tru og ære at dei skulle gå på loftet og ha på seg nattkle medan eg gjekk på snora for å henge ut kle. Laurdagskvelden var så utruleg fin og eg vart ståande og beundre kveldshimmelen!

moments1

Brått høyrde eg det knasa i grusen. Små føter som lista seg forsiktig ned steintrappa. Stemmer som kviskra og latter gøymt bak små barnehender.

moments2

To systre som slettes ikkje hadde lyst å legge seg. Som slettes ikkje hadde tenkt å vere på loftet og ha på seg nattkle, når himmelen stod i brann ute! No var det min tur å liste meg stille inn i gangen og hente kamera. Lure bak hushjørnet og knipse nokre blinkskot.

Dei stod slik lenge; heldt kvarandre i hendene, lett hutrande i den kjølege brisen. Storesyster peika og fortalde, medan minstesyster gav henne beundrande blikk.

Eg måtte gi meg til kjenne. Eit lite kremt og boblande latter fekk fart i jentene, som skjønte at dei var ein stad dei ikkje skulle vere!

moments4

Dei var verkeleg tatt på fersken og tok beina fatt så raskt dei  kunne!  Eg sette meg ned på huk, tok ei jente i kvar armkrok og beundra den fantastiske utsikta vår!

moments

Eg måtte berre stille dei opp og få tatt eit bilete til. For ein herleg kveld! For nokre skjønne jenter!!! Det er nesten som om dei står framfor eit vakkert måleri eller ei stor kulisse! Det er berre så vakkert her vi bur!!! Slike kveldar kan vi leve lenge på!

Det høyrer med til historia at begge fekk på seg nattkjolane sine, pussa tennene sine og kom seg opp i køya før eg fekk sukk for meg!

“Så bra at eg fekk sjå den fine kvelden før eg la meg, mamma”, sa veslesyster før ho sovna med kosedokka i armkroken…

9 kommentarer:

  1. takk for du delte dette med oss...du er fantastisk til å ordlegge deg...rørt her ble jeg..:)

    SvarSlett
  2. NYDELIG, SOM ALT DET DU SKRIVER, TOVE!!
    Og jentene dine er no bare TOPPEN!!!DE ER SÅ SKJØNNE!
    God klem til alle jentene i huset!
    fra Nunne

    SvarSlett
  3. Vakkert!
    Ha ei like fin veke..

    SvarSlett
  4. Hærlig ;)
    Klemma fra monika

    SvarSlett
  5. Så utrolig skjønne og flotte bilder! Og så nusselige jenter! Dere er virkelig heldige som bur på ein slik fine plass! Her ble det mange utropstegn, men det var på sin plass nå synes jeg!
    Hilsen fra Cathrine :-)

    SvarSlett
  6. Nydelig!

    Så fine bilder du tar!

    SvarSlett
  7. Hei :)

    For ei nydelig historie og absolutt et øyeblikk å ta vare på.. nesten tårer i øynene her jeg sitter.. kan se for meg hele seansen..

    Er slike stunder en tar vare på og minnes senere. Kjempe flott.

    Bildene dine er bare nydelige.

    Ha en fin mandag :):)

    Klem

    SvarSlett
  8. Blev helt varm i hjertet av de fine bildene dine.
    Klart dei måtte få lov å nyte den fine solnedgangen en kveld i september.
    Er så missunlig på deg for at du får lov å bo der. Men glad for at eg får dele den vakkre plassen med deg gjenom bildene dine. Kysten av möre er nok den vakkreste plass som finnes.
    Klems Synnöve.

    SvarSlett
  9. Nydelege og stemningsfulle bilder.Koselig å lese...
    Spesielt bildet av jentene som står og ser på solnedgangen var flott!
    Tek turen innom her eg innimellom!
    Ønsker deg en fin søndag!

    SvarSlett

Tusen takk for at du legg att ei lita helsing til meg! Det set eg stor pris på!