Avsløring.....

Mange har sikkert lurt på kva i alle dagar det er slags presang eg har fått! Kommentarane i forrige innlegg hagla inn og det var artig å sjå kor nysgjerrige de var...!!!!  Det er heilt sikkert mange som ikkje ser på dette som ei gåve i det heile tatt. For mange hadde det antakeleg vore ei møde å måtte vere med på deg. Eg derimot, var ikkje sein om å svare ja til å ta imot denne "gåva" då  telefon forrige veke!

Eg stod i vaskekjellaren då ein hyggeleg mann ringte meg for ei veke sidan. Han ville ha meg med i eit brukarpanel som skulle vere med på å belyse den dårlege vegstandarden i Noreg. Etter litt meir forklaring takka eg ja til utfordringa. Dei som kjenner meg veit at eg har vanskeleg for å seie nei til utfordringar av dette slaget...

Det eg ikkje var klar over, var kor omfattande dette skulle vere. Vi skal ha samlingar, presenterast for pressa, gi ut ei brosjyre, reise rundt og halde foredrag og delta på seminar.

Vi er ei gruppe som er saman sett av 13 personar frå heile landet: ei supervegbrukargruppe. Vi skal vere med på å synleggjere behova for å forbetre og oppgradere riksevegane, synleggjere vegbrukarane sine behov for betre vegar, utfordre politikarane til å prioritere pengar til veg slik at vi får færre drepte og hardt skadde, betre framkomelegheit, lavare utslepp og tilgjenge for alle.

Vi skal vere folket si røyst og vise at vegane har dårleg standard, dårleg vedlikehald og for lite fokus på oppgradering av vegane.

Opplysningsrådet for vegtrafikken ynskjer å bruke oss 13 til å gi trafikantane i Noreg eit andlet. Eit andlet som vil vise politikarane våre at vegtrafikken består av vanlege menneske med legitime behov for å kunne køyre på sikre og gode vegar.

Arbeidet denne gruppa gjer skal synleggjerast gjennom bl.a. ein blogg. Der kan vi skrive innlegg og skape debatt. I tillegg kjem det ei brosjyre som òg vil belyse alle desse viktige momenta. Dette arbeidet vil vere viktig for meg, både som politikar i eit vanskeleg vegfylke med fjordarmar og fjellovergangar, og som småbarnsmor med behov for å kunne frakte ungane mine trygt til og frå skule og fritidsaktivitetar.

Eg har lenge drøymt om ei utfordring av dette slaget - no har eg vorte høyrt!!! No skal eg få vere med på å sette veg på dagsorden, og sørge for at dei som sit på pengesekken ser kor viktig det er å ha gode og trygge vegar. Eg gler meg til å ta fatt på arbeidet etter nyttår ein gong.

Sorry, folkens - dette vart kanksje litt mykje politikk  og tungprat på ein fredagskveld, og eg lovar at det er fyrste og siste politiske innlegg på bloggen min. Den har eg bedyra skal vere fritt for slikt! Men då dette er såpass spennande og utfordrande, klarte eg ikkje å la vere å dele det med dykk.

Kanskje dukkar eg opp i din del av landet og held foredrag og sikker veg! Då reknar eg med du kjem????

Eg er klar over at mange sikkert sit og er skuffa no; "...var det dette som liksom skulle vere så spennande..." . Sjølv om det antakeleg sit nokre sjeler der ute som ikkje forstår at det går an å bruke tida si på slikt, så kan eg berre seie at engasjement er vanskeleg å stoppe - og takk og lov for det!!!!

PS! Eg lovar å kome med eit litt koslegare innlegg i morgon. Då skal eg nemleg sette opp eit høgst originalt juletre i gangen - trur eg i allefall.....