tirsdag 19. april 2011

For ein dag…

Tannlegebesøk er ikkje det kjekkaste eg veit. For å gjere ei lang histroie kort; besøket i tannlegestolen resulterte i ein aldri så liten operasjon. Tannlegen og assistenten var rolege og oppmuntrande, medan eg fokuserte mest på å puste og nyte utsikta av majestetiske fjell gjennom vindauget. Alt gjekk bra, men eg har vore noko groggy i heile dag…

IMG_7760

Då var det så kjekt å kome heim til vesle frøken Snupp som teikna ei sol til meg medan eg fekk slappa av litt. “Sola mi skal ha tusen solstrålar slik at mamma blir skikkeleg glad”!

IMG_7816

Kvelden har vore tilbragt mest mogleg i ro. Eg nyt å få sitje i favorittkråa mi og bli inspirert til både det eine og det andre. Ved den gamle reisekista som eg har arva etter ein bestefar, finn eg alltid strikketøyet mitt og bøker som stadig vekk er i bruk.

Har du ei inspirerande krå i stova di?

IMG_7811

No er det Nigella Lawson som inspirerer meg til gode middagar og dessertar i påska. Denne kokeboka er mykje brukt; oppskriftene er lette å forstå og måten ho skriv på gjer det ekstra inspirerande å lage mat.

IMG_7801

I kveld var det forøvrig noko utfordrande å ta bileter av kosekråa mi, for gravemaskinmannen min hadde heile maskinparken rett utanfor stovevindauget og heldt på med gravearbeid. Eg klarte så vidt å knipse nokre få bileter utan gravemaskiner på!

IMG_7740

Den vakre vårkvelden er enno ung og eg skal sjå om eg kan få gjort ferdig eit strikkeprosjekt. Eg har rigga meg til i kosekråa med ein god kopp te og prøvar å gjere det beste ut av situasjonen! Sjølv om dagen har vore noko trasig, så skal eg jammen gjere mitt for å avslutte den på ein god måte!

1 kommentar:

  1. God bedring og god påske. Kjekk og koselig godkrå du har:)

    SvarSlett

Tusen takk for at du legg att ei lita helsing til meg! Det set eg stor pris på!