Bambus og bomull

For å vere heilt ærleg, så er OL-gensarstrikkinga noko einsformig. For å halde motivasjonen oppe må eg ha litt småtteri å strikke innimellom. Denne gongen fekk eg så lyst å prøve meg på strikka oppvaskklutar. Eg kjøpte tråd på Garnkroken i Ørsta, og sette i gong.

Eg la opp 40 maskar og strikka berre rettemaskar den eine vegen, og en rett/en vrang tilbake. Dette repeterte eg heilt til kluten var så stor som eg ville ha den. Eg brukte eit nøste til ein klut.

No skal eg til å strikke ein til, men då trur eg at eg skal legge opp 41 maskar, slik at både fyrste og siste maske blir rette. No opplevede eg at den eine kanten rulla seg litt inn, og det var den kanten der siste maske var ein vrang.

Tråden eg har brukt heiter “Føn”, og inneheld 30 % bomull og 70 % bambus. Bambus skal visst nok ha ein bakteriedrepande effekt, og det passar godt når ein brukar det til oppvaskklut.

Eg må innrømme at eg var litt skeptisk til strikka oppvaskklutar, men der måtte eg jammen bite i meg orda mine! Eg har ei svært blank benkeplate på kjøkkenbenkane mine, og det er alltid litt mykje styr å halde dei fine. Denne kluten vaska over dei og etterlet seg så godt som ingen våte “spor”! Den var lett å vri opp og luftig nok til at den tørkar godt etter bruk.

Så då er det berre å setje i gong å strikke ein til….