...om å sjå det positive.

Siste kvelden i pinsa var eg ute seint om kvelden og tok dette biletet.

Vi hadde hatt så deilige pinsedagar og den vakre kveldshimmelen gav meg forhåpningar om meir sol og varme.

Slik vart det ikkje. Morgonen etter vakna vil til meldingar om snø heilt ned til 600 moh, lave temperaturar og vindretning som aldri har med seg noko godt. Vi hadde tre alternativ:

• sutre over det kjølige vèret og få ein dårleg start på dagen og veka
• forhalde oss til opplysningane og leite fram ullklea
• velge å sjå det positive i situasjonen

Som den optimisten eg er (og som eg prøver å lære ungane mine til å vere), så valgte vi sjølvsagt siste alternativet! Det var ikkej vanskeleg å sjå det positive med alt regnet:

• det blir mindre pollen i lufta og vi slepp rennande naser og auger
• det blir ekstra godt å kome heim frå fotballtrening og ta seg ein varm dusj
• ein kan gjere kjedelege inne-ting utan dårleg samvit for at ein ikkje er ute
• ein slepp å vaske bilen fordi alt støvet renn av utan at eg treng å løfte ein finger
• vassmagasina til kraftverka får kjærkome påfyll
• regnet får det til å lukte så friskt ute
• ein slepp å vatne alle uteplantene
• graset gror og bøndene får gode avlingar
• vi kan sløve i sofaen og lese om Karsten og Petra
• det gir framleis meining å strikke ullgensar til minstesnuppa
• det er kald og godt på soveromet om kvelden
• lyden av regndråpar på ruta får meg til å sovne fort
• neste morgon vaknar eg akkurat like full av håp om at det skal verte sol

Når naturen slår vrangsida til og let det regne i strie straumar, då prøvar eg å sjå regnbogen.

Då prøvar eg desperat å finne positive haldepunkt som sender regnet i skammekroken!

Prøver å sjå kor vakre blomane er når regndropane klamrar seg fast.

Prøver å tenkje på kor deilig det må vere for syrinblomane å verte svøypte i kjøleg og beroligande regn.

Prøver å sjå alle dei vakre formene i vatnet. Tenk at ein einaste liten regndråpe kan lage så vakre og perfekte ringar!!!

Det er om å gjere å sjå det positive - uansett!!!