Travle dagar...

Når altfor mykje skal pressast inn på altfor kort tid, MÅ det på eit eller anna tidspunkt gå ut over noko. Siste veka har eg "liksom" hatt vinterferie. Det skulle vere ei veke med rekreasjon, adspredelse, avslapping, turgåing og alt anna som høyrer med til ordet FERIE. Slik vart det ikkje. Bombe.

Eg hadde ein dag fri, og den vart flittig nytta til husvask. Det var sjølvsagt kjekt å vere i Oslo, til trass for at eg opplevde at det er ein måndagsstengt by. I staden for å traske i butikkar, skulle eg vere kulturell og besøke galleri og museum, men: STENGT! Ingenting innanfor gåavstand for ein småsjuk sunnmøring var altså stengt. Så då enda det med litt shopping likevel. Eg viste sunt måtehald, så Visa-kortet gjekk seg ikkje varmt, og det var stort sett til ungane eg handla. Bombe.

Eg var likevel så heldig å gå meg rett på desse tekoppane! Det er ei kjent sak at Indiska har mykje fint,og denne dagen fann eg  dei vakraste tekoppane eg nokon gong har sagt! Indiska har fått grafisk designer Lisa Bengtsson til å designe ein serie til dei, og det samarbeidet vil eg påstå har vorte ein ubetinga suksess! 

Så utruleg vakkert, så utruleg sart, så utruleg feminint, så utruleg estetisk - og så UTRULEG DUMT at eg ikkje kjøpte meir enn ein kopp!!!! Eg tenkte sjølvsagt på at alt skulle vere med heim og at eg hadde begrensa med plass. Vel, vel, det ser ut til at det vert fleire turar til Oslo - kan Indiska sørge for å ha desse i butikken ei stund, PLEASE???

  

Her ser du den vakre koppen frå innsida. Tenk så deilig å sitte i godstolen med denne koppen i hendene. Ein kopp til å verte i godt humør av!

Denne krusa fekk også vere med heim. Endå eit Indiska-produkt eg ikkje klarte å gå ifrå... Eg har faktisk tenkt å vere så raus at eg skal gi den vekk til ei venninne som treng den! No kan de lure.....

 

Så kjekt med litt fargar!

Det har dessverre vore dårleg med tid til å besøke mine medbloggarar rundt omkring. Det er så vidt eg har hatt tid til å opne bloggen, så besøksrunder og kommentarar frå meg har det vorte lite av... Eg lovar å kome sterkare tilbake, når eg berre får litt betre tid!

Resten av denne veka skal eg tilbringe i justisens teneste, nok eit pliktoppdrag som eg har pådrege meg.... Utruleg spennande å få vere ein del av det norske rettssystemet, sjølv om eg heller skulle ha likt å vere på jobb og heime med ungane mine.

 

Om eg er heldig kan det hende eg klarar å lure meg til ei lite bloggrunde på kveldstid. Har så mykje eg vil skrive om, så mange eg vil innom og så mange kommentarar eg vil dele ut! Enn så lenge skal de alle vite at eg har kvar og ein av dykk lagra på harddisken - det er ikkje til å unngå at de er i tankane mine!

Eg har forresten kjøpt meg måneskinnslampe i dag!!! Har gått så lenge og hatt lyst på ein av desse vakre lampane frå Nordal, og i dag vart denne med meg heim, gitt! Mann og barn hadde ommøblert heile stova då eg kom heim etter ei travel politikkhelg, og då var der ei litt for mørk krå i stova som måtte få seg ein lampe! Vi har ikkje fått montert den opp endå, men gjett om eg gler meg til å få lys i den!

 

Ynskjer alle ei fortsatt god veke!

Eg er brått tilbake!