lørdag 21. november 2009

Ut av ingenting kjem nesten alt!

Slagordet er henta ifrå ei kjend Freia-reklame, men passar fint som tittel på innlegget mitt i kveld. Vi visste ingenting – og enda opp med å oppleve nesten alt! Gårskveldens blåtur vart ei oppleving i rare påfunn, mystiske lappar, spaserturar i kjend 71grader Nord-stil, god drikke og god mat. Vi var kledde og utstyrte for alle eventualitetar; med regnkle, dansesko, ved, ballongar, strikketøy, dunjakker, ullkle og ein konvolutt full av pengar! Lite visste vi at dei to blåturfikse-damene hadde finstas under joggebuksene og allværsjakkene sine…

Etter ein strabasiøs og regntung rundt omkring i heimbygda, sette vi oss på bussen og enda opp i næraste storby. Alt vi hadde tenkt, mistenkt og grubla over var berre å gløyme då vi entra storbyen. Alternativa vart for mange og vi gav opp gjettinga. Det var berre å legge kvelden si skjebne i hendene på dei to kompetente blåturfikse-damene! Vi fann fyrste og beste bar og gjekk inn for å vrenge av oss ullkle og fikse litt på håret (vi hadde trass alt vore gjennom styrtregn og stiv kuling!!!). Enkelte av oss vart litt lange i maska då blåturfikse-damene stod der med glitrande paljettar og fjærpryd, og angra brått på at vi hadde kledd oss så forbaska fornuftig (les: joggebukse, fjellsko, joggesko, ullgensar, dunjakke etc).

For å gjere ei lang historie kort, så enda vi opp med å vere med på mitt hittil artigaste julebord! Damene hadde bestilt bord til oss på Teaterfabrikken, der vi kosa oss med fantastisk julemat i julepynta lokaler, og der eit knippe merkverdige og kuriøse kelnerar trippa rundt i lokalet og serverte dei underlegaste historier! Dei var like mykje oppe på borda som nede på golva, og historiene sette latterdørene på vidt gap!

033

Vi fekk det beste bordet i heile lokalet, med klukkande sjø rett utanfor vindauget!

Den vellukka kvelden slutta som vellukka kveldar alltid gjer: ALTFOR FORT!

034

Eg gav høgtidlege lovnadar om å ikkje legge ut bileter der dei flotte damene kunne identifiserast. Dette biletet har eg bestemt skal på passere sensuren! Her er nokre av damene, på veg frå Teaterfabrikken, klare for å setje seg på bussen og forlate storbyen!

Tusen takk til dei to kreative blåturfikse-damene og alle deira medsamansvorne undercoveragentar som var med på å gjere denne kvelden mogleg!

Og ja;

vi vart lurt!

Tusen takk!!!

11 kommentarer:

  1. Dette hørtes heilt fantastisk ut :-)

    SvarSlett
  2. Kor artig! Kjekt :o)

    SvarSlett
  3. Herlig Tove! Det høres knallmoro ut!!

    Klem

    SvarSlett
  4. For en herlig blogg du har. Og den blå-turen hørtes ut som en vellykket kveld/tur. :-)

    SvarSlett
  5. Det høres fantastisk artig ut!

    SvarSlett
  6. Herleg! Eg har ingen julebordtradisjon, det går mange år mellom kvar gong eg deltek på slike festligheiter, men å få oppleve julebord på Teaterfabrikken, med uforutseibare servitørar, det står absolutt på ønskjelista mi også:)
    Heldig er de at de har slike oppfinnsame blåtur-aktivistar mellom dykk!

    SvarSlett
  7. Oi Tove, dette høres ut som et kjempekjekt julebord. Et sånt kunne jeg også ha tenkt meg å vært med på!!! Er ellers ikke den ivrigste julebordgjenger.....
    Men når det blir så spesielt som dette er det noe helt annet. Novemberklem til deg!

    SvarSlett
  8. Dette var nok kjempebra:) Eg var på Teaterfabrikken for aller første gong forrige torsdag, og eg storkosa meg. Veldig spesielt og veldig artig, og ikkje minst veldig koselig:)

    SvarSlett
  9. Så gøy!!
    Her har vi tradisjon for både julebord og blåtur men helst på helt forskjellig årstid.
    Kjekt å ha slike kreative sjeler i nærheten :-)
    God søndag

    SvarSlett
  10. Så artig!
    Dit skal vi også på julebord, men den dagen er jeg på spa i Tallin. Elle, melle Tallin vant! Ha, ha, ha!

    Ha ei skjønn uke!
    Klem

    SvarSlett
  11. Høres gøy ut =) Tusen Tusen takk for boken, gleder meg til å lese den.

    Ha en fin kveld

    SvarSlett

Tusen takk for at du legg att ei lita helsing til meg! Det set eg stor pris på!